Алабугада узган атнада 3 янгын булган

Узган атнада, 11-17 апрельдә, безнең район территориясендә 3 янгын булган. Бу хакта Алабуга муниципаль районы буенча күзәтчелек эшчәнлеге һәм профилактик эшләр бүлеге хәбәр итә. 

Ут Алабугадагы чүп җыю камерасында һәм мунчада чыккан. Тагын бер янгын очрагы Поспелово авылындагы гаражда теркәлгән.

Алабуга муниципаль районы буенча күзәтчелек эшчәнлеге һәм профилактик эшләр бүлеге йортларда һәм каралты-курада янгын куркынычсызлыгы таләпләрен үтәү зарурлыгы турында искә төшерә.