Менделеевскта ике бала һәлак булганнан соң «Таткоммунэнерго» компаниясенең ике хезмәткәре кулга алынган

Менделеевск шәһәрендә коеда ике бала һәлак булганнан соң «Таткоммунэнерго» хезмәткәрләрен кулга алдылар.

Компания хезмәткәрләре 7 гыйнварда ук кулга алынган — икесен дә суд өй арестына җибәргән, дип яза «Татар-информ».

4 гыйнварда Менделеевскида ачык коеда 10 яшьлек ике малайның үле гәүдәләре табыла. Капкачсыз кое балалар шуа торган тау янында була. Таудан шуган балалар коега егылып төшә.

Соңрак ачыкланганча, кое «Таткоммунэнерго» балансында исәпләнә.