Татарстан трассасында юл фаҗигасендә бер гаилә һәлак булган

Бүген Казан — Шәмәрдән трассасының Теләче районына кергән өлешендә коточкыч юл һәлакәте килеп чыкты, дип яза Татар-информ. 

Шаһитлар әйтүенчә, монда Porsche автомобиле белән Ford җиңел машинасы бәрелешкән. Көчле бәрелеш аркасында ике машина да юл читенә чыгып очкан.

Җиңел машинада барган ир-ат һәм хатын-кыз икесе дә вафат, ди юл-транспорт һәлакәтенең шаһитлары.

Ford автомобилендә ирле-хатынлы бер гаилә әгъзалары һәлак булган. Аларга 50 яшь тирәсе.

Фото: һәлакәт шаһитларыннан