«Алабуга» ансамбле Ваһапов фестивалендә беренче урынны яулады

Алабуга мәдәният һәм сәнгать көллиятенең иҗади командасы XVII Ваһапов фестиваленең яшь башкаручылар конкурсының гала-концертында катнашты.
Конкурс нәтиҗәләре буенча Айзилә Вахитова — өченче, «Алабуга» җыр һәм бию ансамбле 1нче урынны яулады.

Көллиятнең иҗат командасының зур уңышка ирешүендә ансамбль җитәкчесе Диләрә Мироваева, хормейстер Людмила Гатауллина, концертмейстер Рәзил Габбасов, хореограф Наталья Харина ярдәмендә өлеше бик зур. 

Яшь башкаручылар конкурсы Рәшит Ваһапов исемендәге Халыкара татар җыры фестивале кысаларында 2007 елдан бирле үткәрелә. Конкурсның максаты — халык башкаруы, академик вокал, эстрада җыры һәм инструменталь башкару өлкәсендә яңа талантларны эзләү, ачыклау һәм аларга ярдәм итү.