Татарстанда соңгы тәүлектә 87 кеше короновирус йоктырган

Татарстанда соңгы тәүлектә короновирус йоктыруның 87 яңа очрагы ачыкланган. 

Яңа вирус йоктырган 31 кеше хастаханәгә озатылган, 56 кеше өйдә дәвалана. 

Авыручыларның төп яшь төркемнәре түбәндәгечә: 18 яшькә кадәр — 2, 18дән 30 яшькә кадәр — 12, 30дан 50 яшькә кадәр — 21, 50дән 60 яшькә кадәр — 18, 60тан 70 яшькә кадәр — 23, 70тән 80 яшькә кадәр — 8, 80нән 90 яшькә кадәр — 3 очрак ачыкланган.

Казанда — 38, Чаллыда — 6, Яшел Үзән һәм Нурлатта — 5шәр, Актаныш, Бөгелмә, Биектау, Түбән Кама районнарында — 3шәр, Азнакай, Аксубай, Әлмәт, Арча, Югары Ослан, Лаеш, Тәтеш һәм Тукай районнарында — 2шәр, Алабуга, Зәй, Лениногорск, Мамадыш һәм Мөслим
районнарында берешәр кеше йоктырган.

31 гыйнварга алынган мәгълүматлар буенча, Татарстанда барлыгы COVID-19 белән авыруның 16 046 очрагы теркәлгән. 

Пандемия башланганнан бирле коронавирус инфекциясе йоктырган 12 525 кеше савыккан, узган тәүлектә — 95 кеше.