Алабугада иң яхшы агач җимлеккә конкурс игълан ителде

Алабугада «Кышын кошларны ашатыгыз!» табигатьне саклау акциясе кысаларында иң яхшы агач җимлеккә конкурс игълан ителде.

Бәйге 10 декабрьгә кадәр уздырыла. Аны үткәрү инициаторы «Түбән Кама» милли паркы чыгыш ясады. 

Конкурста балалар бакчаларында тәрбияләнүчеләр, мәктәп һәм өстәмә белем бирү учреждениеләре укучылары, укытучылар, ата-аналар, шулай ук барлык кош-корт яратучылар катнаша ала.