Алабугада креатив чаналар конкурсы узды

Шимбә көнне 4 микрорайонның Георгий паркында креатив чаналар парады узды. Биредә 20дән артык кеше катнашты.

Мәдәният идарәсе башлыгы Диләрә Камалова җитәкчелегендәге жюри әгъзалары катнашучыларның визит карточкаларын чиратлап бәяләде. Ә «Чудо-сани» конкурсының икенче этабында транспортның ныклыгын һәм таудан төшү тизлеген тикшерделәр.

Конкурс нәтиҗәләре буенча өченче урынны Олы Качка авылы һәм 1 нче гимназия алды.

Икенче урынга Эдуард Степанов һәм күп профильле 10 нчы лицей лаек дип табылды.

Беренче урында — Самир Гыйззәтуллин һәм 8 нче мәктәп.