Алабугада беренче тапкыр балалар өчен ифтар оештырылды

3 апрельдә шәһәрнең «Әҗмәл» мәчетендә беренче балалар ифтары узды. Бу хакта мөтәсибәтнең матбугат хезмәте хәбәр итә. 

Чарада барлыгы 40 бала катнашты. Алар өчен мәчеттә тәмле өстәл әзерләнгән. 

Моннан тыш, күңел ачу программасы да каралган. Кызлар-малайлар өчен Камил Шәрәфетдинов төрле уеннар үткәргән, ә Фәрид хәзрәт Мөдәрисов викторина оештырган. Һәр балага бүләк бирелде, диелә хәбәрдә.