Корбан бәйрәме — 2023

Татарстан мөфтиятенең Казыйлар һәм Голамәләр шураларының бердәм карары белән, корбан чалу өчен нисаб күләме, барлык чыгымнардан һәм әҗәтләрдән тыш, 36 000 сум күләмендә билгеләнде, дип хәбәр итә ТР мөселманнарының Диния нәзарәте.

Корбан нисабының күләме 595 грамм көмеш бәясенә тиң. Шул рәвешле, мөселман кешесенең артык 36 000 сум акчасы булганда, аның өчен корбан чалу мәҗбүри санала.

Гарәфә көне итеп 27 июнь көне билгеләнде, Корбан гаетенең беренче көне 28 июньгә туры килә (Зөлхиҗҗә аеның 10 нчы көне).

Бу көнне Татарстан мәчетләрендә җәмәгать белән бәйрәм намазлары үтәчәк. 

Корбан бәйрәме уңаеннан үтүче гает намазын Татарстанның барлык мәчетләрендә дә, кояш чыгып, 30 минут узгач уку тәкъдим ителә.