"Алабуга нуры" газетасына язылырга ашык!

“Новая Кама” һәм “Алабуга нуры” район газеталары алабугалыларга күптәннән таныш. Йөз елдан артык инде басмаларның үз укучылары бар, аларның күбесе газеталарны озак еллар дәвамында ала. Укучыларыбыз редакциягә дә еш яза – кирәкле мәгълүмат өчен рәхмәт әйтәләр, үз проблемалары турында сөйлиләр, хатирәләре белән уртаклашалар. Безнең өчен бу бик мөһим.

Исегезгә төшерәбез, газеталарга язылуны почта бүлекчәсендә, корреспонденцияне алып килгән хат ташучыларда һәм Дәүләт хезмәтләренең бердәм порталында (uslugi.tatarstan.ru) рәсмиләштерергә мөмкин. “Алабуга нуры”ның бәясе – 750 сум, “Новая Кама”ныкы – 798 сум.

Элеккечә үк, альтернатив язылуны да тәкъдим итәбез. Аның ярты елга бәясе – 450 сум. Мондый язылу ысулын сайлаган очракта Сезгә газеталарны редакциядән үзегезгә килеп алырга кирәк булачак.

Реклама