“Алабуга нуры” газетасында шигъри марафон

“Алабуга нуры” газетасы редакциясе “Мин Тукайны укыйм” дип аталган шигъри марафон башлап җибәрде. Моның өчен Габдулла Тукай шигырен ятларга һәм аны сәнгатьле итеп сөйләгәнне видеога төшереп безгә җибәрергә кирәк.

26 апрельдә, Габдулла Тукайның туган көнендә, без сезнең роликларны “Алабуга хәбәрләре” төркемендә урнаштырачакбыз. Катнашучыларның яшь мөмкинлекләре чикләнмәгән.

Видеороликларны new-kama@bk.ru электрон почтасына һәм 8-927-429-99-67 номерына WhatsApp буенча җибәрергә була.

Видеороликларга гомуми таләпләр:
— чыгыш 3-5 минуттан артмасын;
— тәкъдим ителгән роликлар гамәлдәге РФ законнарына һәм әхлакый-эстетик нормаларга каршы килмәскә тиеш.

Шигырь укучыларга катнашучы Дипломнары тапшырылачак.

Фото: pixabay.com