Алабугалыларны авыл хуҗалыгы ярминкәсенә чакыралар

Алабугалыларны иртәгә «Мираж» сәүдә үзәге янында узачак авыл хуҗалыгы ярминкәсенә чакыралар. Шәһәр һәм авыл халкы монда яшелчә, ит, сөт продукциясе һ. б. сатып ала алачак.

Җирле җитештерүчеләрнең продуктларын 9.00 сәгатьтән 15.00 сәгатькә кадәр сатып алырга мөмкин булачак. Шулай ук Өлкәннәр декадасы кысаларында волонтерлар тарафыннан пенсионерларга яшелчәләрне өйләренә кадәр китерү оештырылачак.

Ярминкәләр һәр шимбәдә 23 декабрьгә кадәр узачак.