Алабугалыларны Гуляй-парк һәм «Өй янындагы бакча» скверындагы күңел ачу чараларына чакыралар

Бу шимбә көнне, 17 июньдә, Алабугада «Шәһәрнең мәдәни мохите» проекты үз эшен башлый. Ул ел саен үткәрелә. 

18.00 сәгатьтә шәһәрнең Гуляй паркында Казаннан килгән Рөстәм Насыйбуллин балалар өчен анимация программасын тәкъдим итәчәк.

Алабугалылар өчен җәй буена бай программа әзерләнгән. Мәсәлән, 17 июньнән 26 августка кадәр, һәр шимбә көнне, 18.00 сәгатьтән 20.00 сәгатькә кадәр Гуляй паркында һәм «Өй янындагы бакча» скверында мәдәни-күңел ачу чаралары узачак.