Алабугада салкын тиеп авыручылар саны арта

Беренчел кабул итүгә ОРЗ билгеләре белән 305 алабугалы мөрәҗәгать иткән. Бу бер тәүлек эчендә генә. Хәзерге вакытта барлыгы 1768 кеше табиблар күзәтүе астында. Бу узган елның шушы вакыты белән чагыштырганда 2,5 тапкырга күбрәк.

Алда озын Яңа ел каникуллары һәм массакүләм бәйрәм чаралары көтә. Алабуга үзәк район хастаханәсе табиблары кешеләр күп җыелган урыннарда һәм җәмәгать транспортында битлекләр кияргә, вакцинация ясарга киңәш итә. Гриппка каршы прививка ясатырга да әле соң түгел.