9 августта «Алабуга» Казанның «Нәфис» командасы белән уйнаячак

Бу чәршәмбедә Алабуга Үзәк стадионының футбол кырында ике көчле команда — «Алабуга» һәм «Нәфис» очрашачак. Исегезгә төшерәбез, Казанның «Нәфис» командасы 2022 елда футбол буенча ТР Кубогын яулады. Узган ел «Алабуга» аларга 3:1 исәбе белән оттырган иде. 

9 августта 17.00 сәгатьтә 2023 елгы футбол буенча ТР Кубогының 1/2 финалы узачак. Уен киеренке булачак. «Алабуга» ның финалга чыгуы нәкъ менә шушы матчка бәйле. Алабугалыларны спортчыларыбызга ярдәм итәргә һәм уенга килергә чакыралар.

Керү ирекле.