Алабуга районында баскетбол буенча ярышлар үтте

18 февральдә «Хлыстово» спорт комплексында 2010 елгы һәм аннан яшьрәк булган егетләр һәм кызлар арасында баскетбол буенча АМР гомуми белем бирү учреждениеләре беренчелеге булып узды. 

Ярышларда 90 кеше катнашты.

Егетләр командалары арасында нәтиҗәләр түбәндәгечә:
1 урын — Бехтерево урта мәктәбе (тренеры А. А. Немтырев);
2 урын — Лекарево урта мәктәбе (тренеры З.К. Сафина);
3 урын — Морт мәктәбе (тренеры Д.Ш. Нуриәхмәтов).

Кызлар командалары арасында беренче урынны Морт мәктәбе яулады (тренеры Д. Ш. Нуриәхмәтов), икенче урында Лекарево мәктәбе командасы (тренеры З.К. Сафина), өченче урынны Яковлево мәктәбе алды (тренеры А.М. Ачинцев).