Алабугалылар мини-футбол буенча Татарстан Республикасы Кубогына ия булдылар

17-19 апрельдә Алабугада «Бердәм Россия» спорт комплексында 2008-2009 елгы егетләр арасында мини-футбол буенча Татарстан Республикасы Кубогы узды. Безнең шәһәрне «Олимп» спорт мәктәбе командалары тәкъдим итте.

Турнирның финал өлешендә Казан, Чаллы, Чистай, Нурлат, Алабуга һәм башка шәһәрләрдән 8 команда катнашты.

Ярышлар нәтиҗәләре буенча «Олимп-2» командасы 4нче урынны алды. «Олимп-2008» командасы Татарстан Республикасы Кубогына ия булды.