Алабуганың футбол командасы Татарстанның Кече Кубогын яулады

14-15 апрельдә Буа шәһәрендә 2011-2012 елгы егетләр арасында мини-футбол буенча Татарстан Республикасы Кубогының финал уеннары узды.

Турнирда республика шәһәрләре һәм районнарыннан 12 команда катнашты.

Безнең шәһәр данын 7 кешедән торган «Олимп» спорт мәктәбе командасы яклады. Команданы ярышларга тренер Альберт Төхвәтуллин әзерләде.

5 матч нәтиҗәсе буенча «Олимп Алабуга» командасы 2011-2012 елгы яшүсмерләр арасында Татарстан Кубогына ия булды.