КФУның Алабуга КФУ институты студентлары пауэрлифтинг буенча ТР Беренчелегендә җиңү яулады

Казанда юниорлар һәм юниоркалар арасында пауэрлифтинг буенча Татарстан Республикасы Беренчелеге узды. Ярышларда Татарстан шәһәрләреннән 85 спортчы катнашты. КФУның Алабуга институты студентлары Алабуга шәһәре җыелма командасы составында өч төрле классик көрәштә уңышлы чыгыш ясады. Бу хакта югары уку йортының матбугат хезмәте хәбәр итә. 

66 килограммга кадәр авырлык категориясендә 1 урынны психология һәм педагогика бүлеге студенты Раниф Рәхмәтуллин алды һәм 175 килограммлы чүгәләүдә һәм өч көрәш төрендә (суммада 475 кг) юниорлар арасында Татарстан Республикасының яңа рекордын куйды.

93 кг авырлыктагы категориядә 1 урынны математика һәм табигый фәннәр бүлеге студенты Александр Панкратов алды. Ул шулай ук юниорлар арасында 255 кг штанга күтәрүдә (становая тяга) һәм өч төрле көрәш төрендә (суммада 567,5 кг) ТР рекордларын яңартты.

Безнең спортчыларның уңышлы чыгышы нәтиҗәсендә Алабуга шәһәре җыелма командасы юниорлар арасында команда зачетында 1 урынны алды, дип уртаклашты КФУның Алабуга институты студентлары тренеры, физик культура һәм тормыш иминлеге кафедрасы доценты Олег Разживин.