Татарстан сноубордчысы Виктор Уайлд Пекиндагы Олимпиадада бронза яулады

Татарстан сноубордчысы Виктор Уайлд Пекинда уза торган Олимпия уеннарында бронза медаль яулады.

Параллель гигант слалом дисциплинасының кече финалында 35 яшьлек сноубордчы Италия райдеры Роланд Фишналлерны узып, өченче урынны алды.
Алтын медальне австрияле Бенджамин Карл яулады, көмеш медальне словенияле Тим Мастняк алды.

Әйтергә кирәк, Виктор Уайлд — параллель слаломда һәм параллель гигант слаломда Сочида ике тапкыр олимпиада чемпионы.

Фото: ТР Спорт министрлыгының матбугат хезмәте