Виталий Дерягин истәлегенә VI чаңгы ярышларында җиңүчеләрнең исемнәре билгеле булды

Иң яшь катнашучы (ул «юниорлар» категориясеннән) — Түбән Камадан 13 яшьлек чаңгычы Дарья Хөсәенова. 18 яшьтән кечерәкләр арасында Зәйдән 14 яшьлек чаңгычы Азалия Тихонова җиңү яулады. Иң «өлкән» чаңгычы (70+ категориясеннән) — Чаллыдан 76 яшьлек Нурия Йосыпова. Сүз уңаеннан, нәкъ менә ул танылган Алабуга чаңгычысы Валентина Белавинага көндәш булды. Шулай итеп, Чаллы спортчысы финишка беренче булып килде, Алабуга спортчысы — икенче.

Барлыгы 12 яшь категориясе бар иде. Иң күп катнашучылар ирләр арасында «19-39 яшь» һәм «40-49 яшь» категорияләрендә теркәлгән. Биредә Самарадан Алексей Зубков һәм Можгадан Рәфыйк Гыйзәтов җиңүче булдылар.

Гомумән алганда, алабугалыларның җиңүләренә килгәндә, беренче урынны җирле чаңгычылар бары тик бер категориядә — «50 — 59 яшь» категориясендә генә яулый алды. Нина Качур монда «алтын»ны алды.

Ярышларда катнашучыларның берсе дә бүләксез калмады. Ярышларның иганәчесе — «Эссен продакшн» компаниясе барлык чаңгычыларны бүләкләде.