Алабугалыга исерек килеш машина йөрткәне өчен 45 мең сум штраф түләргә туры киләчәк

Татарстан Республикасы Алабуга районының 4 нче суд участогы җәмәгать судьясы тарафыннан җирле ир-атка карата административ эш каралды, ул исерек хәлдә автомобиль йөртүдә гаепле дип табылды.

2025 елның 30 нояберендә иртәнге сәгать 05 тирәсендә алабугалы Д. Алабуганың Горький урамындагы 129 нчы йорт янында «Kia Sportage» маркалы автомобиле белән исерек килеш идарә иткән. Бу РФ Юл йөрү кагыйдәләренең 2.7 пунктын бозу булып тора. Машина йөртүче судка килмәгән, ләкин аңа тиешенчә хәбәр ителгән булганлыктан, эшне ул югында караганнар.

Эш материалларын тикшергәннән соң, мировой судья машина йөртүченең гаебен тулысынча исбатланган дип тапкан. Д. ның гамәлләре РФ КоАП 12.8 маддәсенең 1 өлеше буенча квалификацияләнгән (транспорт чарасы белән исерек хәлдә идарә итү).

Суд тарафыннан 45 000 сум күләмендә штраф һәм 1 ел 6 айга транспорт чаралары белән идарә итү хокукыннан мәхрүм итү рәвешендә җәза билгеләү турында карар чыгарылды.