Алабугалыга урамда тавыш куптарган өчен штраф түләргә туры киләчәк

Алабуга кешесе урамда үзен әдәпсез тоткан өчен штраф түләячәк. Алабуга шәһәр суды РФ Административ хокук бозулар кодексының 20.1 маддәсенең 1 өлеше (кече хулиганлык) буенча административ хокук бозу турындагы эшне карады.

Алабугалы, өе янында җәнҗал чыгара, сүгенә һәм шул рәвешле җәмәгать тәртибен боза.

Судта гражданин үз гаебен таный. Суд карары белән аңа 600 сум күләмендә административ штраф билгеләнә.