Алабуга көллиятендә наркоманияне профилактикалау буенча мөһим лекция узды

Алабуга көллиятендә яшьләр арасында наркоманияне кисәтүгә юнәлдерелгән лекция булды. Студентлар алдында «Алабуга үзәк район хастаханәсе»нең кабинет мөдире, табиб-психиатр-нарколог Эльнура Рәшид кызы Ямалетдинова чыгыш ясады.

Белгеч укучыларга наркотикларга бәйлелекнең җитди куркынычы турында сөйләде, аның физик һәм психик сәламәтлеккә генә түгел, ә кешенең бөтен киләчәгенә җимергеч нәтиҗәләренә басым ясады.

Лекция барышында иң мөһим темаларга җентекләп кагылдылар:

• Наркотикларның төрләре һәм аларның организмга зарарлы йогынтысы.
• Наркотик матдәләр куллануның төп билгеләре.
• Бәйлелекнең авыр нәтиҗәләре: үлемгә китерүче авырулар үсеше, җинаятьчел эшчәнлеккә җәлеп итү һәм тулы социаль изоляция.
• Бәйлелек белән проблема килеп чыкса, ярдәм сорап кая мөрәҗәгать итәргә мөмкин.

Эльнура Рәшидовна аңлы рәвештә сәламәт яшәү рәвеше файдасын сайлауның мөһимлеген ассызыклады, студентларны уяу булырга һәм дуслары бәлагә эләксә, читтә калмаска өндәде.