Алабуга үзәк хастаханәсендә бөер кисталарына югары технологияле операцияләр үткәрәләр

2025 елда Алабуга үзәк район хастаханәсе хирурглары бөер кисталарын алу буенча лапароскопик операцияләрне уңышлы башкара башлады. Элегрәк мондый дәвалау эре республика үзәкләрендә генә мөмкин иде, дип хәбәр итә хастаханәнең матбугат хезмәте. 

Ел башыннан хастаханә белгечләре шундый тугыз операция башкарган инде. Бер очракта табиблар лапароскопик мөмкинлекне кулланып, 10 сантиметр зурлыктагы кистаны кисеп алган.

Яңа ысулның өстенлекләре:

•  Минималь травматизм: зур кисем урынына хирург берничә кечкенә тишек ясый.

• Сәламәт тукымаларны саклау: әлеге ысул органны әйләндереп алган структурага зыян китермәскә мөмкинлек бирә.

• Тиз тернәкләнү: пациентлар кыска вакыт эчендә гадәти тормышка әйләнеп кайта.

• Яхшы косметик эффект: савыкканнан соң операция урыны сизелми дә диярлек.

Мондый югары технологияле операцияләрне кертү хирургия бүлеген модернизацияләү, хастаханә җитәкчелеге һәм меценатлар ярдәме белән эксперт класслы җиһазлары сатып алу нәтиҗәсендә мөмкин булды. Хәзер Алабуга һәм район халкына катлаулы урологик ярдәм алу өчен башка шәһәрләргә барырга кирәкми.