Алабугада 9 меңнән артык кеше гриппка каршы прививка ясаткан: вакцинация дәвам итә

Алабугада гриппка каршы сезонлы вакцинация актив дәвам итә. Хәзерге вакытта прививканы 9 меңнән артык алабугалы ясаткан, шуларның 7 меңгә якыны — балалар.

Төрле яшь төркемнәре өчен заманча һәм нәтиҗәле вакциналар бар:

• Өлкәннәр өчен шәһәр поликлиникасының 309 нчы процедура кабинетында «Совигрипп» вакцинасы кулланыла.
• 6 айдан алып 11 сыйныфка кадәр балалар өчен балалар поликлиникасында консервантлар булмаган «Флю-м» махсус вакцинасы кулланыла.

Вакцинация авырлы хатын-кызлар, хроник авырулы кешеләр, балалар һәм өлкәннәр өчен аеруча мөһим. Прививка ясату — үзеңне һәм якыннарыңны грипп китереп чыгарырга мөмкин булган авыр катлауланулардан саклауның иң ышанычлы ысулы.

Кайда прививка ясатырга?

• Олылар (һәм йөкле хатын-кызлар): шәһәр поликлиникасында 309 нчы кабинет.
• Балалар: балалар поликлиникасы.