Алабугада агач утырту башланды

Эшләр бөтен район буенча тулы куәтенә бара. Нефтьчеләр проспекты үзгәреп бара, анда 90 яшь юкә утыртылган. Якын арада аларга тагын 30 агач өстәләчәк. Шулай ук биредә 12 туя, 10 хост һәм 10 гортензиядән торган ике ландшафт композициясе барлыкка киләчәк.

Яшелләндерү башка төп объектларда да дәвам итә:

Яр буе һәм Мәрҗани урамнарында: юкә аллеялары барлыкка килә.

Царицыно микрорайоны: үсеп китә алмаган агачлар урынына пирамида формасындагы 220 тирәк утыртылды.

Нечаев урамына керү юлы: монда шундый ук 30 тирәк барлыкка киләчәк.

Ипподром янындагы территория: пирамида формасындагы 50 тирәк утыртылачак.

Нечаев урамы: 70 миләш утыртыла.

Сезонның иң масштаблы проекты Александр паркында тормышка ашырыла, анда булачак аллеялар һәм агачлыклар өчен нигез салына — 300 миләш һәм 300 чыршы утыртыла.

Территориаль планлаштыру бүлеге башлыгы Альбина Хөснетдинова хәбәр иткәнчә, әгәр һава торышы салкыннар китермәсә, киләсе атна ахырына Тынычлык проспектында яңа миләшләр һәм ике декоратив композиция пәйда булачак.

Һәр яңа агач шәһәребезнең экологиясенә һәм матурлыгына өлеш кертә. Шәһәребез көннән-көн матурая һәм яшелләнә бара.