Алабугада «Аюлар урманда» топиарын урнаштырдылар

Таҗи Гыйззәт урамы һәм Тынычлык проспекты киселешендә хәзер аюлар гаиләсен күрергә була.

Юл чатындагы топиарларны кичә эшчеләр урнаштырды. Конструкцияләр металлдан эшләнгән һәм ясалма үлән белән капланган. Алар безнең атаклы якташыбыз Иван Иванович Шишкинның «Нарат урманында иртә» картинасын хәтерләтә.

Шуңа охшаш яшел фигуралар узган ел Тынычлык проспектында куелган иде. Бу — тавис (павлин), гашыйк пар һәм саксофонист сыннары. Алар алабугалылар күңеленә хуш килде.