Алабугада яңа парковкалар барлыкка киләчәк

Шәһәрдә төзекләндерү эшләре актив алып барыла: яңа тротуарлар, җәяүлеләр зоналары һәм машина кую урыннары барлыкка килә.

Нефтьчеләр проспектында, «Лагуна» сәүдә үзәге районында өстәмә парковка зоналарын оештыру төп үзгәрешләрнең берсе булачак. Бу машина йөрү урынын бушатырга, машина йөртүчеләр һәм җәяүлеләр өчен хәрәкәтне уңайлырак итәргә мөмкинлек бирәчәк, ди район башкарма комитетының архитектура һәм шәһәр төзелеше бүлеге җитәкчесе Юлия Старогородцева.

Моннан тыш, Шишкин буалары янында кунаклар һәм шәһәр халкы өчен яңа машина кую урыны барлыкка киләчәк. Ул И. Шишкин һәйкәле янында (балалар бакчасы астында) урнашачак. Хәзер бу территориядә әзерлек эшләре бара: участокны чистарту, планлаштыру. Машина кую урыны әйләнә-тирәгә гармонияле туры килсен өчен, монда агачлар утыртачаклар.

Әлеге үзгәрешләр халыкның уңайлылыгын арттыруга, автомобильчеләр һәм җәяүлеләр өчен уңайлырак инфраструктура булдыруга юнәлдерелгән.