Алабугада йорт фасадлары 99 процентка ремонтланган

Быел Алабугада капиталь ремонт кысаларында сигез йортның фасадлары төзекләндерелде.

Бүгенге көндә эшләр 99 процентка башкарылган. Шәһәрнең өске һәм аскы өлешендә дә күпфатирлы йортларның тышкы кыяфәтләре үзгәрде. 

Район башкарма комитеты җитәкчесенең инфраструктура үсеше буенча урынбасары Андрей Томилин искәртүенчә, фасадларны төзекләндерү барышында, муниципалитет ике максатны күздә тота: беренчедән — фасадларны җылытканнан соң җылылык энергиясен куллану кими һәм нәтиҗәдә җылылык өчен түләүләр дә кими, икенчедән — эстетик күренеш яхшыра.