Алабугада юкә һәм нарат агачлары утырталар

Алабугада төзекләндерү эшләре дәвам итә. Бу көннәрдә Землянухин урамында юкә агачлары утырттылар. Барлыгы 150 юкә утырту планлаштырыла. Шәһәрнең дүртенче микрорайонында яшь наратларны утырттылар инде.

Алабугада агач утырту эше белгечләр көче һәм махсус техника ярдәмендә алып барыла. Утыртылган агач үсентесе тамырлансын өчен аны ныгыталар һәм беркетеп куялар.

Юкә һәм пирамидаль тирәкләр шәһәрнең башка микрорайоннарында да утыртылачак.