Бу җәйдә Алабугада 52 мең чәчәк утыртылачак

Бу җәйдә Алабуга урамнарын 52 мең төрле төсле чәчәк бизәячәк. 23 меңгә якын чәчәк утыртылган инде. Бу яз шәһәрне петунья, сальвия, гортензия, цинерария, бархатцы һәм башкалар бизәячәк. Шулай ук күпьеллык чәчәкләр һәм куаклар ярдәмендә берничә дистә чәчәк түтәлләре бизәләчәк.

Төзекләндерү идарәсе хезмәткәрләре куакларны, агачларны һәм чәчәклекләрне дә яңарта.

Быел Алабугада 900 агач һәм куак үсентесе утыртылачак. Шәһәрне санитар чистарту буенча чәршәмбе, шимбә өмәләре һәм икеайлык кысаларында чыршы, юкә, миләш һәм декоратив алма агачлары утыртылган инде.