Рөстәм Нуриев «Сәүдәгәрләр шәһәре»нең ничек үзгәрүен бәяләде

Урамнарның кыяфәте тамырдан үзгәрә: тышкы үзгәрешләр аркасында гына түгел, ә беренче чиратта, инженерлык челтәрләрен яңарту хисабына да.

Спас, Олы Покров, Гассар һәм Говоров урамнары инде үзгәртелгән. Район башлыгы Рөстәм Нуриев эш сәфәре барышында нәкъ менә шул урамнарны тикшерде дә. Ул башкарылган эшкә бәя бирде һәм төзәтергә кирәк булган кайбер җитешсезлекләрне күрсәтте.

Киләсе елга планнарда Казан урамына — Спас урамыннан Гассар урамына кадәрге участокка — аерым игътибар биреләчәк. Монда юл өслеге алыштырылачак һәм яңа кече архитектура формалары урнаштырылачак. Төп үзгәреш — бу территория Казанның танылган Бауман урамы үрнәгендә җәяүлеләр зонасына әвереләчәк.

Казан урамында эшләр башланды инде. Беренче һәм иң мөһим этап — 1973 елда ук салынган тузган торба үткәргечне алыштыру. Бу шәһәр инфраструктурасының дистә елларга ышанычлы булуын тәэмин итәргә һәм Алабуга халкы һәм кунаклары өчен уңайлы иҗтимагый киңлек булдырырга мөмкинлек бирәчәк.

Фото: АМР башлыгы матбугат хезмәте.