Алабуга дзюдочылары ярышлардан бронза алып кайтты

12-14 февраль көннәрендә Болгарда «Олимп» спорт мәктәбендә 15 яшькә кадәрге егетләр һәм кызлар арасында дзюдо буенча ярышлар узды. 

Ярышларда бөтен Татарстан спортчылары катнашты. 

Алабуга шәһәре данын 2 нче спорт мәктәбенең дзюдо бүлеге тренерлары Ильяс Галимуллин, Замир Гыйззәтулин, Иван Шарыгин һәм Александр Обоймов спортчылары яклады.

Ярыш нәтиҗәләре буенча 73 килограммнан артык авырлык категориясендә Рушан Нәҗипов, ә 73 килограмм авырлык категориясендә Айрат Гайнетдинов һәм Анатолий Кожевников бронза медаль яулады.