«Алабугай: Слияние Легенд» фестивале ничек узачак: программа һәм төп вакыйгалар программасы

30 августта Алабуганың яңа пляжы районында беренче тапкыр «Алабугай: Слияние Легенд» этник фестивале узачак. Оештыручылар безнең басма белән уникаль мәгълүматлар белән уртаклаштылар. Бу вакыйга төбәкнең борынгы традицияләрен, табигать энергиясен һәм мәдәни мирасын берләштерүгә юнәледерелгән. 

Фестиваль шәһәр өчен яңа урында: яңа пляжда барачак. Кунаклар XIX гасыр атмосферасына чума һәм җанланган риваятьләрнең шаһиты була алачак. Яр буендагы парковкада кунакларны халык һөнәрләре осталары чыгышлары, традицион һөнәрләр буенча мастер-класслар, табигый продуктларны дегустацияләү, фольклор коллективлары концертлары көтә. Ә пляжда төрле интерактивлар узачак, алар арасында цигун буенча махсус сессияләр (физик күнегүләрне, сулыш алу техникасын һәм медитацияне берләштергән борынгы кытай практикасы), һәм гаилә ялы өчен зоналар оештырылачак.

Риваять буенча бу урыннарны таш-үгез саклый. Аңа бәйрәмдә аерым игътибар биреләчәк.

— Безнең команда фестиваль генә түгел, ә чын тарихка чуму, җиребезнең рухын тапшырырга мөмкинлек тудырырга тели, — ди оештыручы Дмитрий Мокшин. — «Алабугай: Слияние Легенд» — тамырлар белән бәйләнешне тою, табигать энергиясе белән тулылану һәм киләчәк көче белән илһамлану мөмкинлеге ул. Чын-чынлап тылсым ясар өчен, без үткәнне һәм хәзерге вакытны берләштерәбез.

Бәйрәмнең кульминациясе — кояш баеганда тантаналы йөреш һәм борынгы таш-үгез трансформациясе булачак, ул стихия һәм риваятьләрнең кушылуын символлаштыра.

Чакырылган артистлар арасында — Мәскәү шәһәреннән Gayana, GAUGA татар рок төркеме, «СТЕЗЯ» проекты. 

0+