“Алабуга төзекләндерү һәм яшелләндерү идарәсе” МУП махсус техника автопаркы шактый тулыланды

Бу хакта хәбәрчебезгә идарә директоры Әмир Закиров хәбәр итте. КЮМ – ком-тоз катнашмасы сибү һәм кар эттерү җайланмалары белән җиһазландырылган техника, дип аңлатты Әмир Закиров. Аның сүзләренә караганда, әлеге техниканы сатып алу ихтыяҗы күптән туды, ул МУПның үз акчасына сатып алынган.

Бүгенге көндә Идарә коммунальчылары карамагында барлыгы 20 данә махсус техника бар. Алар арасында – ике үзбушаткыч , өч КЮМ, автогрейдер, погрузчик (кар төягеч машина – Автор иск.), зур фронталь төягеч, алты МТЗ тракторы (асылмалы җиһазлы өч трактор, отваллы ике трактор, чүмечле бер трактор – Автор иск.) һәм тротуарларны чистарту өчен ике мини-трактор.

– Кечкенә тракторларны без, нигездә, зур булмаган территорияләрне, паркларны һәм скверларны чистарту өчен файдаланабыз. Аерым горурлыгыбыз – универсаль коммуналь машина. Ул яңа, без аны узган елның ноябрендә генә алдык. Ул тузан суырта, тротуарларны себерә, хәтта чәчәк түтәлләренә су сибә. Әмир Закиров сүзләренә караганда, соңгы вакытта “Төзекләндерү һәм яшелләндерү идарәсе” МУП җитәкчелеге предприятиенең автопаркын тулыландыру буенча зур эш башкара. Шулай итеп, көз ахырында идарә көче белән асылмалы җиһазлы ике МТЗ тракторы сатып алынды. Шулай ук ике чапкыч сатып алынган. Ә узган ел азагында коммуналь хезмәтләр бик кирәкле, шасси базасында автогидроподъемник сатып алган.

– Эш шунда, без тендер оттык һәм 2020 елның беренче гыйнварыннан шәһәрнең урам яктылыгына хезмәт күрсәтәбез. Ә бу машиналар агач кисү эшләре алып барырга мөмкинлек бирә. Шуны билгеләп үтәсем килә, әлеге техника читтән беркемне дә ялламыйча, шәһәргә үз көчебез белән генә хезмәт күрсәтү максатыннан алына. Ахыр чиктә бу арзанрак булачак. Элек ике КЮМ машинасын яллый идек. Өстәвенә, беренче гыйнвардан без Әйләнеч һәм Танай шосселарына хезмәт күрсәтү буенча контракт алдык. Моңа кадәр “Алабуга төзекләндерү һәм яшелләндерү идарәсе” МУП “Спецстройсервис”тан техника яллый иде. Алга таба болай эшләмәс өчен, без бу техниканы шул ук предприятиедән сатып алырга булдык, дип аңлатты Әмир Закиров.

Хәер, идарә директоры сүзләренә караганда, быел кыш аларга барыбер грейдер ялларга туры килер, мөгаен, чөнки әлегә аны сатып ала алмыйлар. Әмма предприятиенең алдагы планнарында – автопаркны тулыландыру эшен дәвам итү. Мәсәлән, агымдагы елның февраль аенда ук лизингка себерү-җыештыру машинасы сатып алу планлаштырыла. МУП җитәкчесе шаяртканча, “техника күп булмый ул”. Мәсәлән, бу атна башында коммуналь хезмәткәрләргә һөнәри яраклылык буенча җитди имтихан тапшырырга туры килде, чөнки бик күп кар яву сәбәпле, шәһәр урамнарына бөтен техниканы һәм кешеләрне чыгару таләп ителде. Ә район җитәкчесе Рөстәм Нуриев алабугалылардан социаль челтәрләрдә коммуналь хезмәтләргә бәя бирүне сорады. Бәяләр урынына җирле халык үзләре фикеренчә кардан чистартылырга тиешле урам исемнәрен җибәрә башлады. Еш кына алабугалылар балалар бакчалары һәм торак йортлар янындагы чистартылмаган юлларга зарланды. Үзәк урамнарга исә сораулар булмады.

Гомумән, идарә хезмәткәрләре вазифасына шәһәрне кардан гына түгел, җәй көне тузаннан һәм пычрактан чистарту да керә. Шулай ук алар тукталыш павильоннарының, паркларның, скверларның, һәйкәлләрнең, күперләрнең чисталыгын тәэмин итәргә тиеш. Шулай ук агач, куаклар кисү, үлән чабу һәм чәчәкләр утырту эше дә аларга йөкләнгән. Ә 2020 елның беренче гыйнварыннан – шәһәрне яктыртуга хезмәт күрсәтү дә.

Әмир Закиров билгеләп үткәнчә, “Алабуга шәһәрен төзекләндерү һәм яшелләндерү” МУП коммуналь хезмәткәрләре үз автопаркын тулыландырып, киләсе язга әзерлекне башладылар дияргә була. Кеше ресурслары турында сөйләгәндә, әңгәмәдәшебез бүгенге көндә шәһәргә 11 машина йөртүче һәм 21 юл эшчесе хезмәт күрсәтә, дип аңлатты. Алар предприятиенең даими хезмәткәрләре. Сезонлы эшчеләргә килгәндә, алар, гадәттә, язгы-җәйге сезонга чәчәкләр утырту өчен яллана. Агымдагы ел да искәрмә булмас, мөгаен.

– Без август конференциясенә әзерлекне башлап җибәрдек инде. Ул вакытка шәһәр тулысынча тәртипкә китерелергә тиеш. Без хәтта  “август маршруты” дигән термин да уйлап таптык. Шулай итеп, “август маршруты” һәм үзәк урамнар чәчәкләр белән бизәләчәк. Агачлар утыртылачак, гомумән, эшләр күп булачак. Әмма әлегә проект архитекторлар тарафыннан эшләнә генә.

Төбәк юлларына килгәндә, шәһәр Башкарма комитетыннан хәбәр итүләренчә, авыл җирлекләре арасындагы төбәк юлларына башка оешма хезмәт күрсәтә. Элек бу “Спецстройсервис” компаниясе иде, 2020 елның беренче гыйнварыннан подрядчы үзгәрде. Хәзер бу – “Алексеевскдорстрой” ААҖ хезмәткәрләренең бурычы. Без предприятиенең генераль директоры урынбасары Әнәс Гатин белән элемтәгә кердек.

Ул билгеләп үткәнчә, Алабуга районында төбәк поселок юлларын кышкы карап тотуга 8 КЮМ, 5 КамАЗ, 3 автогрейдер, 4 трактор һәм 1 бульдозер бүлеп бирелгән. Аның сүзләренә караганда, бу техника җитәрлек булырга тиеш.