Алабугада авиамодель спорты буенча төбәкара фестиваль узачак

20 майда Алабугада «Җиңү канатларында» дип аталган авиамодель спорты буенча төбәкара фестиваль узачак. Оештыручылар бай программа вәгъдә итә: ярышлар һәм авиамодель чыгышлары, лекцияләр вакытында катнашучылар самолетлар төзелеше турында белә алачак, ә мастер-класслар вакытында иң гади модельләрне үзләре ясарга һәм эшләтеп җибәрергә өйрәнәләр. 

Фестиваль программасында:

• Радиоидарәле самолетлар һәм вертолетлар чыгышлары һәм ярышлары;
• Радиоидарәле самолетларда һава сугышлары;
• Кызыксынучылар цчен ракеталар һәм самолетлар буенча мастер-класслар;
• Самолетлар төзү һәм очучылар турында лекция;
• «Кызыклы фән һәм техника йорты» интерактив шоу;
• Балалар өчен авиамодельләр ярышлары.

Катнашу бушлай.

Үткәрү датасы: 20 май 10:00 сәгатьтән 17:00 сәгатькә кадәр 
Үткәрү урыны: Иске Алабуга аэродромы территориясе (Сельхозхимия).