Президенттан бүләк

Күргәзмәгә куелган эшләр арасында балалар кулы белән эшләнгән батик, пастель һәм акрил буяулар белән рәсемнәр төшерелгән керамика бар иде. Кечкенә осталар бу эшләнмәләрне балалар йорты директоры Елена Гырдымова җитәкчелегендә соңгы ярты ел эчендә булдырган. Ярминкәдә балалар Татарстан Президенты Рөстәм Миңнеханов белән аралаша алды. Алар Президентка үз куллары белән эшләнгән сувенирлар бүләк итте, аның белән бергә фотога төште. Җавап итеп Рөстәм Миңнеханов Татарстан турында истәлек китаплары тапшырды.