Татарстанда алкогольле продукция сату вакытын арттырдылар

Татарстанда хәмер сатуны 8:00 сәгатьтән 23:00 сәгатькә кадәр рөхсәт итүче закон үз көченә керде. Элек алкогольле продукцияне 10:00 сәгатьтән 22:00 сәгатькә кадәр сатып алып була иде.

Искәртәбез, закон проекты узган атнада Дәүләт Советы утырышында берьюлы өч укылышта кабул ителде. Документ, килеп туган икътисади вәзгыять шартларында, алкогольле продукция җитештерә һәм сата торган эшмәкәрләргә ярдәм итү өчен эшләнде.

Фото: pixabay.com