Алабугада фатирда чыккан янгында бала зыян күрде

Алабугада янгын Мәрҗани урамнарының берсендә урнашкан күпкатлы йортның бер фатирында килеп чыккан. Анда 13 яшьлек бала зыян күргән. 

«Янгын нәтиҗәсендә 2008 елда туган бала зыян күрде. Табиблар баланың яну продуктлары белән агулануның җиңел дәрәҗәсен диагнозлаган. Янгын мәйданы 3 кв. м. тәшкил итте», — дип хәбәр итте Татарстан Республикасы буенча Россия Гадәттән тыш хәлләр министрлыгы баш идарәсенең 15 ПСО ФПС янгын сүндерү-коткару бүлеге башлыгы Евгений Шумилов.

Хәзерге вакытта янгын чыгу сәбәпләре ачыклана. 

Моңа кадәр без Алабугада янган фатирда ир-ат мәете табылу турында язган идек.