Алабугада рейд барышында иминлек каешын эләктермәгән 105 йөртүче ачыкланган

Алабуга районында «Иминлек каешы» профилактик операциясе бара. ЮХИДИ хезмәткәрләре рейдлар үткәрә, тәртип бозучыларны ачыклый. Операция 10 августка кадәр дәвам итәчәк.

Шулай итеп, 11 июльдән бүгенге көнгә кадәр алынган саннар буенча, безнең район юлларында куркынычсызлык каешларын эләктермәгән 105 машина йөртүче һәм 36 пассажир ачыкланган. Кагыйдә бозучыларга административ беркетмә төзелгән. 

Куркынычсызлык каешы үлем куркынычын һәм машина йөртүче һәм пассажир организмының җитди җәрәхәтләнүен 70 %ка киметә. Шулай ук юл хәрәкәте кагыйдәләрен тайпылышсыз үтәргә кирәк.

Моңа кадәр без иртәнге рейд вакытында 14 хокук бозучыны ачыклау турында язган идек.