Быел Татарстанның 78 аз санлы торак пункты югары тизлекле интернет белән тәэмин ителәчәк

Чагыштыру өчен, узган ел 4G мобиль элемтәсеннән файдалану мөмкинлеген аз санлы 38 торак пункт алды. Эшләр «Цифрлы икътисад» илкүләм проекты кысаларында уза.

Моннан тыш, күп фатирлы йортларда яшәүчеләрне, торак коммуналь комплексында катнашучыларны һәм кече бизнесны берләштерүче «Локоло» проекты эшли башлады.

Шулай ук, быел «Хезмәт җитештерүчәнлеге» илкүләм проекты буенча авылларда почта бүлекчәләрен ремонтлау эшләре дә дәвам итәчәк. 24 муниципаль райондагы барлыгы 46 почта бүлекчәсе төзекләндереләчәк. Тагын 100 бүлекчәне шушы программага кертү мәсьәләсе карала.