Татарстанда ике кыз сөрем газы белән агуланган

Кичә сәгать кичке җиденче тирәсендә Казанның Ибраһимов проспектындагы 26А йортында ике кыз сөрем газы белән агуланган.

Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр итүләренчә, биш катлы йорттагы фатирда 21 һәм 22 яшьлек ике кыз сөрем газы белән агуланган, дип яза Татар-информ.

Ашыгыч ярдәм хезмәткәрләре килеп, зыян күрүчеләрне караган. Кызларны хастаханәгә озатканнар.

Әлеге хәлнең сәбәпләре билгеләнә.