Татарстанда туберкулез белән авыручылар арткан

Татарстанда быелның сигез аенда туберкулез йоктыруның 604 очрагы ачыкланган. Татарстанстат мәгълүматларыннан күренгәнчә, бу узган елның шул чоры белән чагыштырганда 95,6 процентка күбрәк, дип яза «Татар-информ».

ТР Гигиена һәм эпидемиология үзәге белешмәләре нигезендә, 2023 елның гыйнвар-август айларында 2022 елның шул чоры белән чагыштырганда эпидемиологик вазгыять туберкулез йоктыручыларның артуы белән характерланган. Әйтик, 2023 елның гыйнвар-август айларында 100 мең татарстанлыга туберкулез йоктыруның 22,7 очрагы туры килгән.

Шулай ук 2022 елның гыйнвар-август айлары белән чагыштырганда сифилис белән авыручылар коэффициенты — 36,4, ВИЧ йоктыручылар коэффициенты 3,8 процентка арткан.