Татарстанда вакытлыча суыта

Бүген, 18 сентябрьдә, салкын атмосфера фронты узу сәбәпле температура фонының вакытлыча төшүе көтелә. Бу хакта ТР Гидрометеоүзәге фаразында әйтелә.

Республикада алмашынучан болытлы һава саклана. Көнбатыш һәм төньяк-көнбатыштан исәчәк җилнең тизлеге секундына 5-10 метр, урыны белән 14 метрга кадәр көчәячәк ( Казан территориясендә түгел).

Көндез республикада һава температурасы 14-19 градуска кадәр генә җылыначак, дип хәбәр итә синоптиклар.

Элегрәк КФУ профессоры, география фәннәре докторы Юрий Переведенцев әбиләр чуагының Татарстанда күпме дәвам итәчәге турында сөйләде.