Татарстанлылар «Татмедиа» басмаларына 13 процентлы ташлама белән языла ала

Бүген Бөтенроссия язылу декадасы старт алды. 20 апрельгә кадәр республика халкы «Татмедиа» АҖ газеталарына һәм журналларына 13 процент ташлама белән языла ала.

Укучыларга популяр «Сөембикә», «Идел», «Сәхнә» журналларына, «Казан» шәһәр журналына һәм «Казанские ведомости» газетасына, «Татарстан» журналына, шулай ук район вакытлы басмаларына язылырга тәкъдим ителә.

Моннан тыш, балалар өчен татарча «Салават күпере», «Сабантуй», «Ялкын», «Көмеш кыңгырау» басмаларына махсус бәя белән язылырга мөмкин.

Газета һәм журналларга барлык почта бүлекчәләрендә язылып була. Шулай ук «Татмедиа» АҖ сайтында онлайн-язылудан файдаланырга мөмкин.