Татарстан Роспотребнадзорында корпоративларны куркынычсыз үткәрү турында сөйләделәр

Коллектив җитәкчеләренә быел корпоратив үткәрүнең кирәклеге турында карар кабул итәргә кирәк. 
Бәйрәм оештырырга булган очракта, барлык эпидимиологик кагыйдәләрне үтәргә кирәк булачак. Моннан тыш, корпоративны эш урынында оештыру да тыела. Бу хакта ТР буенча Роспотребнадзор идарәсе җитәкчесе урынбасары Любовь Авдонина хәбәр итте. 
Бәйрәм итү урыны итеп ресторан яки кафе сайлаганда, бинада 100дән артык кеше булырга ярамаганны исәпкә алырга кирәк. 
21 декабрьдән ТР буенча Роспотребнадзор идарәсенең кайнар линиясе эшли башлый. Бу телефонга шалтыратып, халык күп җыелган чараларда кагыйдә бозулар турында хәбәр итәргә мөмкин.