2012 елда Алабугада туберкулез белән авыруның 29 очрагы ачыкланган

Бу турыда Алабуга үзәк хастаханәсе баш табибы Шәфкать Әхмәтҗанов хәбәр итә. 2012 елда актив туберкулездан үлүчеләр саны республика күрсәткечләреннән икегә түбәнрәк булган. Халык арасында флюорографик тикшерү узарга тиешле "риск группасы" аерылып тора, дип ассызыклый баш табиб. Әлеге группага үпкә авырулы, Даун синдромы, психик авырулы, эчүчелек һәм наркомания, ВИЧ һәм СПИД авырулары, ашказаны җәрәхәте булган, цитостатика һәм гормоннар алучы авырулар, билгеле яшәү урыннары булмаган, иректән мәхрүм итү урыннарыннан чыккан кешеләр керә.