Алабугада фаҗигале янгында балалары һәлак булган 29 яшьлек ир комада

Алабугада Гринландия бистәсендәге шәхси йортта булган коточкыч янгыннан соң 29 яшьлек гаилә башлыгы комага киткән. Хәзер ир-ат Чаллы БСМПсында. Бу хакта «Татар-информ» мәгълүмат агентлыгы ТР Сәламәтлек саклау министрлыгының матбугат хезмәтенә сылтама белән яза.

Янгын 15 мартта була. Ул 3 һәм 12 яшьлек ике баланың гомерен өзгән. 29 яшьлек ир 8 яшьлек улын коткарып кала. Икесе дә хастаханәгә озатыла. 

Элегрәк без янгында ике баласын югалткан гаиләгә өч бүлмәле фатир бүлеп бирәчәкләр дип язган идек.